१४ जेठ २०८१, सोमबार
27-05-2024 , Mon

विराटनगरको सन्जीवनी हस्पिटल टाट पल्टियो, संचालक सम्पर्क बाहिर

Logo
प्रकाशित बुधबार, पुष २०, २०७९

निरज बस्नेत
विराटनगर, पुष २०
विराटनगरको हस्पिटल चोकमा रहेको सन्जीवनी हस्पिटल आन्तरिक विवादका कारण टाट पल्टेको छ ।

पुरानो एम्स हस्पिटलको नामले चलेको यो हस्पिटल पछिल्लो समयमा आएर दिनप्रतिदिन नोक्सानीमा जान थालिसकेको थियो । नयाँ शेयर सदस्यहरुबीचको आर्थिक विवाद उत्कर्षमा पुगेपछि सवैकुरो छताछुल्ल हुनपुग्यो । परिणामतः आज यो हस्पिटल रोडमा आइपुग्यो ।

यसबीचमा मार्केटमा तिर्न बाँकी रहेको ४० करोड बढी रकम नतिरी यो हस्पिटल बन्द हुनपुगेको छ । ५० शैय्याको यस हस्पिटलका कार्यरत रहेका डाक्टरको समेत पारिश्रमिक वापतको २ करोडभन्दा बढी रकम वक्यौदा छ । अहिले उनीहरुले श्रम तथा रोजगार कार्यालय विराटनगर र स्थानीय प्रशासनमा काम गरेकाे पारिश्रमिक पाउँनुपर्ने भन्दै निवेदन दिएका छन् ।

४ जना चिकित्सकसहित १२ जनाको यस हस्पिटलमा लगानी रहेको देखिन्छ । पछिल्लो समय दिवाकर यादवलाई कार्यकारी प्रमुख बनाएर भित्र्याएकाे ४ महिना वित्न नपाउँदै हस्पिटल बन्द भएको छ । यादवको समेत यसमा रु १ करोड लगानी रहेको छ ।

अन्य लगानीकर्तामा, राजकुमार मण्डल, विनायककान्त पन्त, डा. प्रेरणा दाहाल, डा. अन्जु देव, डा. पवन पराजुली, डा. वरुण देव, ओमप्रकाश प्रसाई, राजेश प्रसाई, सुरेन्द्र राय, रमेश साह चन्द्रमणि गुराँगाई लगायतको रहेको छ ।

यसैबीचमा संचालकहरु सम्पर्कमा आउन चाहेका छैनन् । प्रायः मिडीयासँग दूरी बढाउननै चाहन्छन् ।

कमेन्ट गर्नुहोस्
सम्बन्धित

काठमान्डौंँ,१२ जेठ ।डेङ्गु रोगको सङ्क्रमण ५७ जिल्लामा देखिएको छ। मौसम परिवर्तनसँगै पानी पर्न थालेपछि डेङ्गु रोगको सङ्क्रमण पनि बढ्न थालेको हो। स्वास्थ्य तथा जनसङ्ख्या मन्त्रालयको इपिडिमियोलोजी तथा रोग नियन्त्रण महाशाखाका किटजन्य रोग शाखाका प्रमुख डा गोकर्णप्रसाद दाहालले पानी पर्न थालेपछि मानिसले पानी सङ्कलन गरेर राख्ने र सङ्कलन गरिएको पानीमा लामखुट्टे रहने भएकाले डेङ्गुको जोखिम बढेको जानकारी […]

काठमान्डौंँ,१२ जेठ । नेपालमा कारोना भाइरसको नयाँ भेरियन्ट पुष्टि भएको छ। राष्ट्रिय जनस्वास्थ्य प्रयोगशालाले कोरोना भाइरस सङ्क्रमित ४२ जना जिन सिक्वेन्सिङ गर्दा ‘केपी १’ ‘केपी २’ ‘केपी ३’ र ‘केपी ४’ पुष्टि भएको प्रयोगशालाका सूचना अधिकारी कृष्णप्रसाद जैसीले जानकारी दिए । उनका अनुसार गत अप्रिल र मे महिनामा सातवटै प्रदेशबाट नमुना सङ्कलन गरी जिन सिक्वेन्सिङ गरिएको […]

विराटनगर,८ जेठ/ विराटनगर महानगरपालिकाले सञ्चालन गरेको एकीकृत विशेषज्ञ स्वास्थ्य जाँच शिविरबाट ५ हजारभन्दा बढीले सेवा लिएका छन् । महानगरले १९ वटै वडामा सञ्चालन गरेको शिविरमा ५ हजार २२ जनाले स्वास्थ्य जाँच गराएको महानगरको स्वास्थ्य महाशाखाका संयोजक डा. दिलीप यादवले जानकारी दिए । शिविरको औपचारिक रुपमा समापनसमेत गरिएको छ । महानगरको सामाजिक विकास समितिका संयोजक काजीबहादुर बस्नेत […]