१२ बैशाख २०८१, बुधबार
24-04-2024 , Wed

डाक्टरले मृत घाेषणा गरेकाे बच्चा दाहसंस्कार गर्ने क्रममा ब्युतेपछि, विराटनगरकाे काेशी अस्पतालमा भयाे बबाल

Logo
प्रकाशित बुधबार, माघ ०४, २०७९

निरज बस्नेत
विराटनगर, माघ ४
विराटनगर–८ अशोक चोक घर भएका दिलिप मुखिया एवं उमा मुखियाको दोस्रो सन्तानको रुपमा छोरीको जन्म १८ दिनअघि विराटनगरको कोशी अस्पतालमा भएको थियो । बच्चा ठीकठाक नै जन्मियो । तत्पश्चात् बच्चालाई अभिभावकले घर लगे ।

बुधबार विहान बच्चा विरामी भएपछि अविभावकले स्वास्थ्य जाँच गराउँन कोशी अस्पताल ल्याए । बच्चा अस्पतालकाे आकस्मिक कक्षमा ल्याएको केही समयमा नै एमविविएस डा. आकाश यादवले मृत घोषणा गरेको बच्चाका कान्छा मामा मुन्ना मुखियाले बताए। मृत भनिएको बच्चालाई विराटनगर–८ घर अशोक चोक लगियो । त्यहाँ दाहसंस्कारको काम शुरुवात गर्दे गर्दा बच्चा चलमलाएको अवस्था सिर्जित भएको कुरा बच्चाकी आमा उमाले बताइन् । तव यो घटनाले उग्ररुप धारण गर्यो ।

पीडितको एक समूहले कोशी अस्पतालमा गएर पीडक भनिएका डा. आकाश लगायत केहीलाई हातपात गरेको कोशी अस्पताल स्रोतले बतायो । यता यही घटनामा संलग्न भएको आरोपमा प्रहरीले केहीलाई पक्राउ समेत गरेको प्रहरी स्रोतले बताएको छ । बच्चाको थप उपचार अहिले विराटनगरकै गोल्डेन अस्पतालमै एनआइसियू कक्षमा भइरहेको छ । उक्त बच्चालाई गोल्डेन अस्पतालका बाल रोग विशेषज्ञ डा. सतिश यादवले हेरिरहेका छन् ।

बच्चाको अवस्था अहिले जटिल नै रहेको गोल्डेन अस्पतालका प्रबन्धक संतोष मेहेता बताउँछन् । पीडक भनिएका डा. आकाश यादवलाई भेटेरै प्रतिक्रिया लिन खोज्दा प्रतिक्रिया दिन अस्वीकार गरे । यस सम्वन्धमा कोशी अस्पतालका मेसु डा. लक्ष्मीनारायण यादवसँग प्रतिक्रिया लिन खोज्दा सम्पर्क हुन सकेन ।

कमेन्ट गर्नुहोस्
सम्बन्धित

विराटनगर, ७, बैशाख , २०८१ हर्टअट्याक अर्थात ह्दयघात अकस्मात हुने मुटु रोग हो । यसको लक्षण पनि अचानक शुरु हुनेगर्दछ । डाक्टरहरुका अनुसार , ह्दयघात छातीको बीच भागमा वा बायाँतिर दुख्ने वा पोलेको जस्तो अनुभव हुने , छातीमा दवाव भएको महसुस हुने , छाती हल्का दुखिरहने यी लगायत लक्षणहरु हुन्छन् । पसिना आउने, वाकवाकी लाग्ने […]

विराटनगर, चैत २६ । मोरङ उद्योग व्यापार संघले आफ्नाे ६७औं वार्षिक साधारण सभामा वरिष्ठ फिजिसियन डा. राेशन खड्कालाई सम्मान गरेको छ । चिकित्सा क्षेत्रकाे माध्यमबाट नागरिकलाई प्रदान गरेकाे सेवाकाे उच्च मुल्याङ्कन गर्दै डा खड्कालाई संघले सम्मान गरेको हाे । साधारण सभामा कार्यक्रमका प्रमुख अतिथि नेपाली कांगेसका वरिष्ठ नेता डा. शेखर कोइरालाले डा.खड्कालाई सम्मान पत्र प्रदान गरेका […]

विराटनगर,१५ चैत । विराटनगर महानगरपालिकाले महिलाहरुलाई लक्षित गर्दै पाठेघर स्क्रिनिङ चेकजाँच (भिआइए) तथा निशुल्क स्वास्थ्य परिक्षण कार्यक्रमलाई तिब्र पारेको छ । महानगरले हरेक वडाहरुमा यसखाले कार्यक्रम गर्दै आएको छ । हरेक हप्ता निःशुल्क स्वास्थ्य शिविर सञ्चालन गरेर कार्यक्रमलाई निरन्तरता दिएको हो । आर्थिक अभावका कारण गरिब तथा विपन्न व्यक्तिहरुलाई अस्पताल जान समस्या हुने भएकाले वडामै स्वास्थ्य […]