निरज बस्नेत
विराटनगर, माघ २०
पार्खिवास नगरपालिका तल्लो सान्नेका ७८ बर्षिय विष्णु बहादुर कुँवरको उपचारकै क्रममै यहाँस्थित लाइफ गार्ड अस्पतालमा मृत्यु शुक्रवार भएको छ । तत्पश्चात् अस्पतालमा केहीवेर बबाल मच्चिएको थियो ।
उक्त अस्पतालमा विहीवार साँझ भर्ना भएका कुँवरको शुक्रवार मृत्यु भएको खवरले मृतकका आफन्तले डाक्टरले लापर्वाही गरेकै कारण अप्रिय घटना घटेको भन्दै अस्पताल परिसरमा केहीबेर नाराबाजी गरेका थिँए । नाराबाजीकै क्रममै गल्ती गरी मान्छे मार्ने डाक्टरलाइ कार्वाही गर्नुपर्ने भन्दै चर्को नाराबाजी लागेको पनि हो ।
सामान्य पेट दुखेर ल्याएको विरामीलाई अस्पतालले जानाजान मारेको मृतकका आफन्तले आरोप लगाएका थिँए । मृतक कुँवरलाई अस्पतालका डाक्टर अरविन्द देव लगायतको टिमले हेरेको थियो ।
अस्पतालका मेडिकल अफिसर प्रमोद मेहेताका अनुसार मृतक कुँवरको स्वासप्रस्वास , लिभर साथै मुटुको समेत समस्या भएका कारण हामीले जति कोशिश गरेपनि बचाउँन सकेनौं । यता हामीले मृतकका आफन्तलाई मज्जाले बुझ्नेगरी बुझाएपछि उहाँहरुले चित्त बुझाई मृतक कुँवरको शव लिई फर्किएको हो ।
