१० आश्विन २०७८, आइतबार
Close
बिज्ञापन
परिवार जेल हो

छोराछोरीको डिमाण्ड र ताकेताले लुरुलुरु जेल रुपी घर जानु पर्ने हुन्छ

Janacharcha.com आइतबार, भाद्र २९, २०७६ मा प्रकाशित

सुजन दाहाल

पति कतै हिडन लागो भने पत्नीले सोध्छे कता हिडेको ? किन हिडेको ? के काम छ ? त्यस्तै पत्नी कतै हिड्न लागे पतीले पनि उसरी नै सोध्छ । त्यति मात्र होइन अव पति वा पत्नी दिउसो कता हुन्छन् के गर्छन सवै खोजखवर र रिपोटिङ एक आपसमा हुन्छ । भन्नलाई यस्तो खोजीलाई केयर भनिएला तर यो त स्थिती र अवस्थाको चाँच हो । पति समयमा घर आई पुगेन भने पत्नीको फोन पतिकोमा पुग्छ र आज्ञा हुन्छ कहाँ छौ ? किन समयमा घर नआएको ? किन ढिलो गरेको ? कि केही छ बिशेष ? तिम्रो चाला ठिक छैन है ?

जव पति घर प्रवेश गर्छ पत्नीका महाबाणीहरु असिना झै बर्षन थाल्छन् । यति रातिसम्म तिमिलाई घर आउन पर्दैन ? के हो हँ ? चाला ठिक छैन नि । विचरा पति दिनभर परिवारको लागि मरिमेट्छ, दुःख गर्छ तर घरमा आउदा तनाव बेहर्नु पर्छ । त्यस्तै पत्नी बाहिर छे भने पनि यस्तै पारा पतिका तर्फबाट हुने गर्छ । अनि यस्तै कुरा बढदै गएर झगडा हुन्छ एक दुई दिन बोल्दैनन् । फेरी मिल्छन् र जीवन अगाडी बढाउछन् । कतिपयको भने डिभोर्स सम्म हुने गर्छ । यस्तो स्थिती भए पछि पति होस या पत्नी तोकिएको समयमा घररुपी जेलमा टुलुक्क आइपुग्नै पर्छ । नत्र विष्फोट हुने गर्छ ।

ADVERTISEMENT

विवाह विश्वव्यापी प्रवृत्ति हो । त्यसैले हरेकले विवाह गर्नु पर्छ भन्ने मान्यता छ । जव पति पत्नी छोरा छोरीको धनी हुन्छन् तव पति पत्नीको व्यक्तिगत जीवन सकिन्छ । खाने, लाउने, शिक्षा, दिक्षा, विवाह दान आदी गर्दा गर्दै पतिको टुप्पि ठाढो हुन्छ भने पत्नीको चुल्ठो ठाढो हुन्छ । छोरा छोरीको आगमन संगै समस्याहरु थपिदै जाने हुँदा ति समस्याहरु संग जुध्दा जुध्दै आफ्नो जीवनको गुणस्तरियता तिलान्जली दिनु पर्ने हुन्छ । छोरो छोरी जव बढदै जान्छन् तव यसो बाहिर कतै गयो छोरा छोरीले फोन गरेर यो ले उ ले छिटो घर आईज भन्दै दास बनाउछन् । छोराछोरीको डिमाण्ड र ताकेताले स्वतन्त्रतापूर्वक आफुले इच्छाएको कार्य गर्न नपाउने र लुरुलुरु जेल रुपी घर जानु पर्ने हुन्छ ।

पति पत्नि मात्र नभएर हजुरवा, हजुरआमा, काका काकी, दाजु भाई दिदी बहिनी लगायत जति परिवारमा हुन्छन् ति सवैको चुम्वकिय आकर्षण हुने गर्छ । जसले गर्दा कोही एकबाट फुत्किएर बाहिर जान वा भाग्न सक्दैन । थाहा नपाउने गरी परिवारका सवै सदस्यहरुलाई प्रेमरुपी वा बाध्यतारुपी साङलोले बेरेर राखेको हुन्छ ।

परिवारका वीच माया ममता हुने गर्छ र हुन आवश्यक पनि छ । तर सामान्यतया एक्लो हुँदा जति सजिलो आनन्द र स्वतन्त्रता हुन्छ परिवारको संरचनामा प्रवेश गरिसकेपछि ती सवै सकिन्छन् । परिवारको पालन पोषण कार्य र कर्तब्यको नाममा हरेक सदस्य एक अर्काको दास जिवन विताउनु पर्छ । यद्यपी परिवारिक सुखलाई अमुल्य सुख मानियो । जब परिवार मर्र्या्दित हुन्छ, उत्तरदायी हुन्छ, सुखी हुन्छ, खुसी हुन्छ, तब सबै दुःख, कष्ट, पीडा, अभाव नष्ट हुन्छ । जहाँ पारिवारिक सुख हुन्छ त्यहाँ जीवनको सर्वोच्चता हुन्छ । समाजले निर्धारण गरेको मूल्य र मान्यता र आदर्शलाई आत्मसात गर्दै मानिस पारिवारिक जीवनमा रमाएर अगाडी बढनु पर्ने हुन्छ । हिन्दु धर्मले परिवारलाई श्रेष्ठ संस्थाका रुपमा पनि परिचित गराएको छ ।

परिवार एक सुन्दर परिकल्पना हो । हरेक मानिस परिवारमा जन्मन्छ । परिवारमा नै हुर्कन्छ र परिवारमा नै मृत्युवरण गरी जीवनको अन्त्य गर्दछ । विश्वभरि नै परिवारको कल्पना गरिएको छ र सोही बमोजिम परिवारको प्रथा र प्रचलन चलेको छ । आदिम कालमा समेत मानिसहरु परिवारमा एकतृत भै बसोवास गरेको देखिन्छ । मानवको अस्तित्व सुरु भएदेखि संयुक्त परिवारको अभ्यास अगाडी बढेको हो । तर जव मानिसहरु बुझने भए तव परिवार संयुक्त रुपबाट एकल तर्फ अगाडी बढदै गएको देखिन्छ । हाल विश्वभरी प्राय एकल र संयुक्त परिवार प्रचलनमा छ । विशेषगरी विकशित देशहरुमा एकल र विकासशिल देशहरुमा संयुक्त परिवारको अभ्यास निरन्त्तर अगाढी बडिरहेको छ ।

परिवारको संरचनाको गुणगान गाएर, परिवारको यस्तो र उस्तो राम्रो भनेर चर्चा परिचर्चा गरेर हरेक मानिसलाई पारिवारिक भूमरीमा फसाउने षडयन्त्र मात्र हो । मानिस जिम्मेवार र उत्तरदायी बन्दै अधोषित जेल जीवन बाँचोस भन्ने एक प्रकारको मनोवैज्ञानिक दवार परिवारको परिभाषा र व्यवहारले सृजना गरेको हुन्छ ।

तर अहिले धेरै मानिसहरुमा परिवार प्रतिको बितृष्णा जागृत भएको छ । आमाबुवालाई बृद्धाश्रममा लगेर राखी दिन्छन् । छोराछोरीलाई होस्टलमा राख्छन् र एक्लो जीवनमै रमाउने अभ्यास पनि गर्छन् । यसरी हेर्दा परिवार प्रतिको सकारात्मक संगै नकारात्मक घारणा अभिव्यक्त हुदै आएको छ । परिवारमा माथिल्लो पुस्ताले संस्कार, सम्भता र आचरण सिकाउने बहानामा रुढिवादी र अनावश्यक कुराहरु थोपार्ने गर्दछन् । परिवारलाई मर्यादित बनाउने निहुँमा तल्लो पुस्तालाई बोझ थोपार्छन । यस्ता परिवारका तमाम विकृति र विसंगतिले धेरै परिवारलाई टुक्र्याएको छ । बद्लिदो जीवनशैली र प्रतिस्पर्धाले पारिवारिक जीवन तनाव र बेचैनी रुपान्त्तरण गरिदिएको छ ।

तर पारिवारिक जेल अपराधि बस्ने जेल जस्तो हुदैन यो त नदेखिने तर अनुभव गर्ने मात्र हुन्छ । पारिवारिक जेल वर्वर र जर्जर हुन्छ । किनभने पारिवारिक जेलमा आफनो खुसी भन्दा अरुको खुसीलाई महत्व दिनु पर्ने हुन्छ । आफ्नु लागि भन्दा अरुको लागि सधर्ष गर्नु पर्ने हुन्छ । अरुको लागि बाँच्नु पर्ने हुन्छ । चाहेर होस वा नचाहेर मानिस यो भूमरीमा पर्ने गर्छ । मानिस एक स्वतन्त्र प्राणी त हो, उ सधै स्वतन्त्र भएर नै बाँच्न चाहन्छ तर दुर्भाग्य स्वतन्त्रताको परिकल्पना मनमा गर्दछ व्यवहारमा बाध्यताबस लागु गर्न सक्दैन । कुनै न कुनै परिबन्धमा परि नै रहेको हुन्छ । त्यसैले परिवारलाई एक प्रकारको खुल्ला जेल भन्न सकिन्छ । जहाँ मानिसहरु सामुहिक रुपमा कैदीको रुपमा जिवन विताउन बाध्य हुन्छन ।
के पारिवारिक जेल जिवनबाट मुक्ति सम्भव छ त ? मुक्ति सम्भव छ त होला तर जानेर होस वा नजानेर पारिवारिक जीवनमा होमिएको व्यक्ति पारिवारिक संरचनाबाट बाहिर निस्कन सक्दैन । परिवारमा अनेक समस्या हुन्छन् । परिवार संचालन गर्न सजिलो पनि छैन । बाधिएर बस्नु पर्ने बाध्यता छ ।

पारिवारिक भूमरीबाट टाढा भयो भने पहाडै खस्छ भन्ने सिकाई र बुझाई छ । बंश परम्परा कायम गर्न पारिवारिक जीवनमा दत्त चित्तले लागेको मान्छे प्रकृतिको नियमलाई तोडन पनि सक्दैन । जस्ता सुकै पारिवारिक झै झमेलालाई पनि मानिसले बाध्यतावस स्वीकार गरेको छ । यसरी पारिवारिक समर्पण त्याग र बलिदानले पारिवारिक जेल जीवनबाट मुक्ति दिदैन । त्यसैले मृत्यु नै मानिसको पारिवारिक जेल जीवनको मुक्ति हो भन्दा अतियुक्ति नहोला ।

तपाईको प्रतिक्रिया

सम्बन्धित

ताजा अपडेट
वेलायती माेडलकाे ‘विराटनगर इन्टरनेशनल कलेज’ले थप नँया तिन काेर्ष संचालनमा ल्याउदै
मुक्तिनाथ विकास बैंकले अब सर्वाधिक ब्याज दिने
कांग्रेस विराटनगर सभापतिमा चार जनाको दाबी
थप समाचार
About Contact

COOPERATED BY:

KHEM POUDEL (JHAPA)

DINESH KHADKA (MORANG)
BHIM LAMICHHANE (BIRATNAGAR)
BATUKRAJ GIRI (KATHMANDU)

PRABIN K. GHIMIRE ( NEW DELHI, INDIA)
PITAM KHATIWADA (BIRATNAGAR)

CONTACT

Biratnagar -06, Morang Province 1

021-590566, 9812349000 (Hot-line)
Email: [email protected]

News-Director : Bijay Kumar Pathak

Editor : Manu Budathoki / Sushil Pokhrel

info deprt reg no. 1654/076-77

press council permit no: 362-076/077

सामाजिक संजाल