दिनेश खड्का
विराटनगर, माघ ५
जिवित शिशुलाई मृत घोषणा गर्ने मेडिकल अफिसर डाक्टर आकाश यादवसहित तीन जना स्वास्थ्यकर्मीलाई विराटनगरस्थित कोशी अस्पतालमा काम गर्न रोक लगाईएको छ ।
घटनाकाे अनुसन्धान नसकिँदासम्म डा. यादवसहित घटनामा संलग्न अहेब लक्ष्मण माझी र टिका अधिकारीलाई अस्पतालले काममा रोक लगाएको हो । उनीहरूलाई घटनाकाे सम्बन्धमा स्पष्टीकरण समेत साेधिएकाे अस्पतालका सूचना अधिकारी रामप्रसाद नेपालले जानकारी दिए ।
घटनाकाे अनुसन्धानका लागी अस्पतालका बाल रोग विशेषज्ञ डा. प्रवीण झाको नेतृत्वमा तीन सदस्य छानविन समिति समेत बिहिबार निर्माण गरिएकाे छ । छानबिन समितिलाई सात दिनभित्र घटनाको छानबिन गरी प्रतिवेदन बुझाउन अस्पतालले समय दिएकाे छ ।
घटना के थियाे
बुधवार बिहान काेशी अञ्चल अस्पतालकाे इमरजन्सीमा डा. यादव ,अहेब दोय माझी र अधिकारीको डियुटिमा खटीएका थिए । साेहि दिन बिहान साढे ८ बजे मोरङको जहदा गाउँपालिका ३ का १८ दिने नवजात शिशुलाई श्वासप्रश्वासमा समस्या भएपछि पिता दिलीप मुखिया र आमा उमा मुखियाले कोशी अस्पताल ल्याएका थिए । उपचारमा संलग्न डा यादवले शिशुकाे मृत्यु भइसकेकाे बताएपछि अभिभावक दाहसंस्कारमा जुटे । दहासंस्कार गर्ने क्रममा शशिर चलबलाएपछि, बच्चा जिवितै रहेकाे अभिभावकले चाल पाए । त्यसपश्चयत आक्राेशित शिशुका परिवारजनले अस्पतालमा डाक्टरकाे कुटाई गरेपछि, काेशी अञ्चल अस्पताल तानबग्रस बन्न पुगेकाे थियाे ।
राम्रोसँग शिशुको अवस्था नहेरी मृत घोषणा गरेपछि बुधवार दिनभरि अस्पताल तनावग्रस्त बनेको थियो । चिकित्सकले मृत घोषणा गरेको शिशुको अहिले विराटनगरस्थित गोल्डेन अस्पतालको एन आइसियुमा राखेर उपचार भइरहेको छ ।
याे पनि पढ्नुहाेस् : डाक्टरले मृत घाेषणा गरेकाे बच्चा दाहसंस्कार गर्ने क्रममा ब्युतेपछि
